Impıchment jarııalaýdy qoldaıdy

Datafolha saýaldamasy kór­setkendeı, brazılııa­lyq­tar­dyń 54 paıyzy Brazılııanyń tómengi palatasy usynǵan Bol­sonaroǵa qarsy ımpıchment jarııalaýdy qoldaıdy.

Djon Hopkıns ýnıversı­tetiniń málimetinshe, COVID-19 vırýsyn «kishigirim tumaý» dep qabyldaǵan skeptık Bolsonaro birneshe aı boıy qoǵamdyq qy­symǵa, sonyń ishinde, birneshe iri narazylyq pen Senattyń ter­geýine tap boldy. Mundaı áre­ketke pandemııanyń Brazılııany kúıretip, vırýstyń 531 000-nan astam kisiniń ómirin jalmaýy sebep boldy.

Jaqynda bolǵan birqatar jan­jal, sonyń ishinde el Úkimeti koronavırýsqa qarsy vaksına satyp alý kezinde jibergen quqyq bu­zýshylyqtar jáne sybaılas jem­qorlyqqa qatysty aıyptaý prezıdentke degen senimdi azaıtty.

О́tken aıda federaldyq ter­geýshiler Úndistannyń Bharat Biotech, Covaxin kompanııasy shy­ǵarǵan COVID-19-ǵa qarsy vak­sınasynyń 20 mıllıon dozasyn satyp alýǵa qatysty 1,6 mıllıard real (320 mıllıon AQSh dollary) turatyn mem­lekettik kelisimshartty tekserý ju­mys­yn bastaǵanyn málimdedi.

Bas prokýratýra (PGR) Pfizer Inc jáne Johnson&Johnson-men uqsas mámileler júrgizilgenge deıin aqpan aıynda qol qoıyl­ǵan Bharat kompanııasymen keli­simshartqa kúmánmen qaraıdy. О́ıtkeni úndistandyq kompanııa salystyrmaly túrde joǵary ba­ǵalar usynyp, kelissózder men retteýshi organdardyń maquldaýy tym jedel ótken.

Bolsonaro «Densaýlyq saqtaý mınıstrliginde úlken sybaılas jemqorlyq shemasy bar dep habarlanǵannan keıin eshqandaı áreket jasamady» degen aıyppen kelispeı, bul pikirdi joqqa shyǵardy.

Senbide radıoǵa bergen suh­batynda Bolsonaro sheneýnikter Covaxin-men mámilege kelý týraly alańdaýshylyqtaryn bóliskennen keıin shara qoldanǵanyn aıtty, biraq ol naqty qandaı tapsyrma bergenin egjeı-tegjeıli aıtpady.

«Men aı saıyn kóptegen taqy­ryp boıynsha túrli oımen keletin 100 adammen kezde­semin. Men bul jaǵdaıda sharalar qa­byldadym»,  dedi ol Brazılııanyń ońtústigindegi Gaucha radıosyna.

О́tken aptada Bolsonaro fede­raldyq depýtat retinde kómek­shileriniń jalaqysyn qysqartýǵa baǵyttalǵan shemaǵa qatysty dep te aıyptaldy.

Burynǵy kelini Bolsonaronyń ujymdasqan bopsalaýshylar toby arasyndaǵy rólin túsindiretin aýdıojazbalary bar dep aıtqan kezde Brazılııanyń UOL veb-saı­ty sol topqa jaqyn adamdardy qyzmetkerler retinde jaldaý, sodan keıin olardan memlekettik jala­qyny qysqartý shemasy qol­danylatyny týraly habar taratty.

Janjaldar kelesi jyly ótetin prezıdenttik saılaýǵa deıin de jalǵasýy múmkin degen kúdik bar. О́ıtkeni ótken demalys kúnderi Brazılııada myńdaǵan adam narazylyq bildirip, onyń otstavkaǵa ketýin talap etti.

Sonymen birge, brazılııa­lyqtar prezıdenttik saılaý úshin saılaý ýchaskelerine barǵanda qazirgi prezıdent solshyldardyń burynǵy jetekshisi Lýıs Inasıo Lýla da Sılvanyń da qysymyna tap bolady dep kútiledi.

Beısenbide jarııalanǵan Datafolha ótkizgen jeke saýal­damada brazılııalyqtardyń 51 paıyzy Bolsonarony qol­damaıtynyn aıtty. Bul Bol­sonaro 2019 jyl­dyń qańtarynda qyz­metke ki­riskennen bergi ha­lyq­tyń eń joǵary teris pikiri bo­lyp otyr.