«Ekologııa mınıstrligi jabaıy tabıǵat qorymen (WWF) birge 61 buǵy jiberýdi josparlap otyr jáne bul bir jyldaǵy rekordtyq kórsetkish. Shyǵarý aımaǵynda tabıǵatqa shyqqan buǵylardy baqylaý úshin foto tuzaqtar qoıyldy. Buǵylardyń popýlıasııasyn baqylaýdy kúsheıtý úshin jalpy alǵanda 9 spýtnıktik jaǵabaý paıdalanylady», dep habarlady Almaty oblystyq orman sharýashylyǵy jáne janýarlar dúnıesi aýmaqtyq ınspeksııasynyń bólim basshysy Leonıd Sıdorenko.
Mamandardyń aıtýynsha, bul tehnologııalar búkil álemde qoldanylady, olardyń kómegimen buǵynyń qozǵalysyn baqylaýǵa bolady. Qurylǵylar aýyrtpalyqsyz ornatylady jáne janýarlarǵa eshqandaı zııan keltirmeıdi.
Buqar buǵylarynyń Balqash aýdanynyń jabaıy tabıǵatyna oralýy jolbarys reıntrodýksııasy baǵdarlamasynyń mańyzdy kezeńi bolyp sanalady. Ony Reseıdiń WWF jáne QR ekologııa, geologııa jáne tabıǵı resýrstar mınıstrligi birlesip júzege asyryp keledi.
