Olıve Veran Fransııa radıosyna bergen suhbatynda shilde aıynan bastap elde vırýs juqtyrý oqıǵalarynyń sany qaıta ósip jatqanyn, biraq COVID-19 dıagnozy qoıylǵan pasıentterdi aýrýhanaǵa jatqyzý kórsetkishi ázirge tómendep otyrǵanyn málimdedi.
Fransııa aýrý juqtyrý ósimin COVID-19 delta shtamynyń taralýymen baılanystyryp otyr.
«Eger osyndaı úrdis saqtalsa, bul aýrýhanaǵa jatqyzý kóleminiń ósimine ákeledi», dep eskertti mınıstr Olıve Veran.
Fransııa bıligi pandemııanyń jańa tolqynynyń jaqyndaýyn báseńdetip, qatań karantındi boldyrmas úshin turǵyndardy vaksınalaýdy tezdetý qajet dep sanap otyr.
Búgin Fransııa prezıdenti Emmanıýel Makron qorǵanys keńesiniń otyrysyn ótkizip, onda densaýlyq saqtaý salasy qyzmetkerlerin mindetti vaksınalaý máselesi ortaǵa salmaq.
10 shildede Fransııada COVID-19 vırýsyn juqtyrýdyń 4696 jańa faktisi tirkelgen, bul bir apta buryn tirkelgen kórsetkishten (3006) bir jarym ese kóp.
