Qalalyq Krımınaldyq polısııa basqarmasynyń habarlaýynsha, eki jaǵdaıda eki jeke medısınalyq ortalyqtyń «Dostar Med» jáne «Suńqar» qyzmetkerleri jalǵan qujattar jasaǵany úshin ustaldy. Sondaı-aq №4 polıklınıkada medısınalyq qyzmetkerlerdiń vaksınasııa pasportyn satqany jáne vaksınalardy zańsyz joıyp jibergeni anyqtalǵan.
Birinshi jaǵdaıda, klınıkadaǵy zerthana qyzmetkeri ortalyqtyń eki meıirbıkesiniń kómegimen aqshalaı syıaqy úshin teris nátıjemen bıomaterıaldy synamasyz PTR testin uıymdastyrǵan. Keıin «Suńqar» medısınalyq ortalyǵynyń dáriger-endoksısti ustaldy, ol buryn alaıaqtyq úshin jaýapqa tartylǵan. Jeke tintý kezinde PTR testileriniń nátıjeleri, sondaı-aq aqsha prosessýaldyq tártipte tárkilendi.
Sonymen qatar №4 qalalyq emhananyń aǵa meıirbıkesi ustaldy, ol 15 myń teńge kóleminde aqshalaı syıaqy alý úshin vaksına alǵandardy belgileý jýrnalyna jalǵan tirkeýmen aınalysqanyn moıyndady. Bul faktiler QR QK-niń 385-baby boıynsha sotqa deıingi tergeýdiń biryńǵaı tizilimine tirkeldi. Tergeý jalǵasýda.
