«Jalpy 1991 jyldan beri respýblıkaǵa 1 mln 77,3 myń etnıkalyq qazaq oraldy. Qazaqstanǵa kelgen qandastardyń jartysynan kóbi, ıaǵnı 76,3% - О́zbekstannan kelse, 10,4% – Qytaıdan, 6,2% – Túrikmenstannan, 2,7% – Mońǵolııadan, 1,2% – Qyrǵyzstan, 0,5% – Iran, 0,3% – Aýǵanstan jáne qalǵan 2,5% basqa elderden qonys aýdarǵan», delingen «Otandastar» qorynyń habarlamasynda.
Elge kelgen etnıkalyq qazaqtar negizinen Almaty, Túrkistan, Mańǵystaý jáne Jambyl oblystaryna, sondaı-aq Shymkent qalasyna qonystanǵan.
2019 jyly 17 661 etnıkalyq qazaq nemese 9 993 otbasy tarıhı otanyna oraldy jáne qandas mártebesine ıe boldy. Elimizde jyl saıynǵy qandastardy qabyldaý kvotasy toqtaǵan joq.
2020 jyly 13 myńnan astam etnıkalyq qazaq «qandas» mártebesin aldy.
О́tken jyly Qazaqstanǵa kelgen qandastardyń jartysynan kóbi (53,1%) - QHR-dan, 31,3% – О́zbekstannan, 8,7% – Túrkimenstannan, 3,7% – Mońǵolııadan jáne 3,3% - basqa elderden kelgen.
