Aqtóbe oblysynda bir táýlikte 55 adamnan koronavırýs ınfeksııasy anyqtaldy. Kóbi Aqtóbe qalasynan. Oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaevtyń aıtýynsha, 7-11 shilde aralyǵynda 510 adam aýyryp, em izdedi.
«Epıdahýal kúrdegi dep aıtsaq bolady. О́sim bar. Sondyqtan ımmýndaý sharasyna belsendi qatysýǵa shaqyramyz. Ári maska taǵý, antısektık qoldaný jáne araqashyqtyqty saqtaýdy umytpaý kerek», dedi Muhtar Serbaev.
Aqtóbe oblysyndaǵy ınfeksııalyq stasıonarlarda qazir 244 adam em alyp jatyr. Onyń 24-i jansaqtaý bóliminde bolsa, bireý ókpeni jeldetý apparatyna qosyldy.
«Infeksııalyq kereýet júktemesi 56, jansaqtaý bólimindegi júkteme 40,5 paıyzdy qurap otyr. Japly oblystaǵy aýdandarda ósim baıqalmaıdy. Degenmen Aqtóbe qalasynda vırýs juqtyrǵandar sany artty. Júkteme artqan soń qosymsha ınfeksııalyq stasıonar ashýdy qarastyryp jatyrmyz. Turǵyndardyń ımmýnıtetin qalyptastyrý úshin qazir qosymsha vaksına pýnktteri ashyldy. Olar iri bazarlar men saýda úıleri, gıpermarketterde ornalasqan», dedi oblystyq densaýlyq saqtaý basqarmasy basshysynyń orynbasary Bekbolat Izbasarov.
