Ońtústik Kaspıı sıklonynyń áserinen respýblıkanyń basym bóliginde aýa raıy qubylmaly bolady, jańbyr jaýady, naızaǵaı jarqyldaıdy.
Eldiń soltústiginde, soltústik-shyǵysynda jáne ortalyǵynda nóser jańbyr jaýady. Tek ońtústik-batys pen batysta jaýyn-shashynsyz aýa raıy kútiledi. Respýblıka boıynsha keı jerlerde daýyl, burshaq, jeldiń kúsheıýi, ońtústik jáne ońtústik-batysta shańdy daýyl kútiledi, soltústik-batysta jáne ortalyqta tuman túsedi.
Soltústik Qazaqstan, Aqmola oblystarynyń keı jerlerinde burshaq, daýyl turýy yqtımal, jel 15-20 m/s deıin kúsheıedi.
Tańerteń jáne kúndiz Túrkistan oblysynda shańdy daýyl bolady.
Jambyl oblysynda burshaq jaýyp, jeldiń jyldamdyǵy 23-28 m/s kúsheıedi.
Almaty oblysynyń taýly aýdandarynda kúndiz burshaq túsýi múmkin, keı jerlerinde jel ekpini 25 m/s-ke deıin kúsheıedi.
Qostanaı oblysynda tuman túsedi, kúndiz basym bóliginde jel turady.
Mańǵystaý, Qyzylorda oblystarynda jel kúsheıip, shańdy daýyl kútiledi, Qyzylorda oblysynda túnde jáne tańerteń daýyl turýy yqtımal.
Pavlodar, Qaraǵandy oblystarynda da burshaq, daýyl kútiledi, Qaraǵandy oblysynda túnde tuman túsedi.
Shyǵys Qazaqstan oblysynyń, kúndiz Aqtóbe oblysynyń keı jerlerinde jel 15-20 m/s kúsheıedi.
Kúndiz Almaty oblysynyń keı jerlerinde aptap ystyq bolady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Almaty, Aqtóbe, Batys Qazaqstan, Qaraǵandy oblystarynyń keı jerlerinde órt qaýpi saqtalady.
