Ulybrıtanııa bıligi mindetti maska taǵý rejımin jáne áleýmettik araqashyqtyqty saqtaý erejesin alyp tastaýǵa sheshim qabyldady. Sonymen qatar úkimet úıden jumys isteýdi toqtatyp, qyzmetkerlerge keńsede jumys isteýge ruqsat berdi.
Alaıda premer-mınıstr Borıs Djonson pandemııa áli aıaqtalmaǵanyn, soǵan baılanysty abaılap áreket etý kerek ekenin eskertti. Ol qoǵamdyq kólikterde, adam jappaı jınalatyn oryndarda maska taǵýǵa shaqyrdy. Sondaı-aq úkimet basshysy oıyn-saýyq oryndarynyń ıelerinen kelýshilerdiń koronavırýsqa qarsy vaksınasııa sertıfıkatyn tekserýdi surady.
«Biz dúısenbi, 19 shildeden bastap, COVID-19 bolmaǵan ómirge birden orala almaımyz», dep túsindirdi Djonson.
Ulybrıtanııalyq ǵalymdardyń aıtýynsha, elde koronavırýs tolqynynyń shyńy tamyzdyń ortasyna deıin kútilmeıdi jáne táýligine 1-den 2 myńǵa deıin adam aýrýhanaǵa túsýi múmkin. Sonymen qatar mamandar kúnine 100-200 ólim jaǵdaıy bolady dep boljaıdy. Táýligine jańa naýqastardyń sany 100 myńǵa jetken jaǵdaıda da bılik aýrýhanalar men dárigerler ony jeńe alatynyna senimdi.
«Vaksınasııa «qorǵanysty» qurdy – bul jazǵy tolqynǵa tótep bere alatynymyzdy bildiredi», dedi Ulybrıtanııa densaýlyq saqtaý mınıstri Sadjıd Djavıd.
