Almaty oblystyq tótenshe jaǵdaılar departamentiniń málimetinshe, 13 shilde kúni túski saǵat 12:47-de Raıymbek aýdany Narynqol aýylynan bir shaqyrym jerde 2008 jyldan beri jumys istemeıtin avtojanarmaı quıý stansııasynyń aýmaǵynda otyz tonnalyq bos syıymdylyqty tazalaý kezinde 50 jáne 34 jastaǵy eki er adam tez tutanatyn suıyqtyq býymen ýlanyp qalǵan.
«Oqıǵa ornyna kelgen Almaty oblysy TJD qyzmetkerleri arnaıy tynys alý apparattarmen syıymdylyqqa túsip, er adamdardy arqanynyń kómegimen syrtqa shyǵardy. Ekeýi da dereý Raıymbek aýdanynyń ortalyq aýdandyq aýrýhanasyna jetkizildi. Olar jansaqtaý bóliminde, ortasha aýyr jaǵdaıda jatyr», dep habarlady Almaty oblystyq Tótenshe jaǵdaılar departamentinen.
Qazirgi ýaqytta eki adamnyń da jaǵdaıy turaqty.
