Aýdan ákimi Rashıd Myńbaev nysan qurylysynyń barysyn tekserý úshin Otyrar shaǵynaýdanyndaǵy № 11, 12, 13/1, 13/A kóp qabatty úı aýlalarynda salynyp jatqan alańshalardy kórdi. Onda turǵyndarmen kezdesip, olardyń usynystary merdiger mekeme tarapynan eskeriletindigin túsindirdi.
Jyl sońyna deıin Ál-Farabı aýdanynda jańa 27 sport jáne balalar oıyn alańshasy boı kóteredi dep josparlanyp otyr. Onyń 14-i «Halyq qatysatyn bıýdjet» jobasy aıasynda ornatylady. Oıyn alańshalarymen qatar aýlany abattandyrý jumystary da júrgiziletin bolady.
Turǵyndardyń erkin otyryp demalýy úshin besedka, jańa oryndyqtar men qoqys alańshalary, sportpen shuǵyldaný elementteri qosa ornatylady.
