Habar 24 arnasy sársenbide eks-mınıstrdiń qorǵaýshysy Nurlan Beısekeev osy jaǵdaı boıynsha jaýap begenin málimdedi.
Qorǵaýshynyń aıtýynsha, Birtanov 2020 jyldyń 12-13 maýsymynda jumys saparymen Jambyl oblysynda bolǵan. Bul issaparǵa Qazaqstannyń Premer-Mınıstri Asqar Mamın de barǵan. Jumys tobynyń músheleri Qordaı aýdanynda bolyp, koronavırýsqa qarsy vaksına daıyndaıtyn zaýyt qurylysynyń barysymen tanysqan. Advokat aýrý juqtyrý qaýpi joǵary bolǵandyqtan, Birtanov Nur-Sultanǵa Premer-Mınıstr jáne Úkimet múshelerimen birge bir ushaqpen qaıta almaǵanyn jetkizdi. Sol qıyn kezeńde Premer-Mınıstrdiń koronavırýs juqtyrýy mınıstrler kabınetiniń jumysyna úlken zııan keltirýi múmkin edi.
«Prezıdent Premer-Mınıstr men Densaýlyq saqtaý mınıstrine koronavırýstyń taralýyna jol bermeý boıynsha shtabqa jetekshilik etýdi, tótenshe jaǵdaı kezinde halyqty qorǵaýǵa baǵyttalǵan shuǵyl sharalar qabyldaýdy tapsyrdy. Nur-Sultandaǵy turaqty jumys ornyna, tirkelgen medısına mekemesine qaıtýy kerek edi. Sondyqtan Birtanovty Tarazdan Nur-Sultanǵa sanavıasııa kóligimen jetkizý elde qalyptasqan tótenshe jaǵdaı kezindegi májbúrli shara boldy», dedi advokat Beısekeev.
Ekijaqty pnevmonııa túrindegi aýrýdyń asqynýy anyqtalǵa mınıstrdiń jaǵdaıy nasharlaýyna baılanysty elordadaǵy Ulttyq kardıoortalyqqa jetkizilgen. Ol 2020 jyldyń 23 maýsymyna deıin osy mekemede em qabyldaǵan.
«Tek meniń jaǵdaıymda ǵana emes, basqa jaǵdaılarda da sanıtarlyq ókilder aımaqtarǵa ushty, ushaqtar ushpaǵan soń sheshim qabyldaý kerek boldy. Dári-dármekterdi, reaktıvterdi tasymaldady, Ýhannan kelgen stýdentterdi de elge qaıtardy ǵoı. Munyń bári joǵary basshylyqpen kelisildi, meniń jaǵdaıym boıynsha da kelisim bolǵan. Men Premer-Mınıstrge habarladym, sodan keıin ǵana osyndaı tasymaldaýdy uıymdastyrýdy ótindim», deıdi eks-mınıstr Eljan Birtanov, QR
