29 jastaǵy Aýstrııanyń veloshabandozy Andorra men Fransııanyń shekaralarynda ornalasqan El-Pas-de-la-Kasa men Sen-Godens qalalary aralyǵyndaǵy 3 250 shaqyrymdyq qashyqtyqty 4 saǵat 01 mınýt 59 sekýndta júrip ótti. Rasynda da, bul joly Konradtyń qarqyny óte kúshti boldy. Ekinshi oryndy ıtalııalyq Sonnı Kolbrellı («Bahrain-Victorious») ıelense, aýstralııalyq Maıkl Metıýz («Team BikeExchange») úshinshi satyǵa taban tiredi.
«Astana» klýby músheleri arasynda eń úzdik kórsetkishke Aleks Aranbýrý qol jetkizdi. Qazaqstandyq komandanyń sapyndaǵy ıspanııalyq legıoner márege altynshy bolyp jetti.
Jalpy esepte Tadeı Pogachar («UAE-Team Emirates») aldyna jan salar emes. 22 jastaǵy Slovenııanyń saıypqyrany toǵyz týr boıy tizgindi eshkimge bermeı keledi. Onyń ýaqyty – 66:23:06.
«Astananyń» serkesi Alekseı Lýsenko ázirge jetinshi oryndy qanaǵat tutýda. Jerlesimiz kósh basyndaǵy sportshydan 7 mınýt 01 sekýnd qalyp keledi.
