«Ekpe alǵannan keıin 3 aı boıy saqtaný kerek. Tek sodan soń ǵana tolyq tekseristen ótip, júktilikti josparlaýǵa ruqsat beriledi. Bizde qazir «Spýtnık V» jáne «QazVac» vaksınalary bar. Atalǵan vaksınalardy saldyrǵan áıelderde úsh aıdan keıin densaýlyqtarynda eshqandaı kinárat bolmasa, júktilikti josparlaýǵa bolady. Al Hayat-Vax vaksınasyn alǵandar úshin eki jylǵa deıin bala kóterýge bolmaıdy. Bul - vaksına óndirýshilerdiń usynymdary. Al eger de áıel júkti bolyp qalǵan bolsa, onda únemi baqylaýda bolýy kerek», dedi maman.
Sondaı-aq dáriger ınfeksııanyń jatyrdaǵy balaǵa esh qaýiptiligi joq ekenin eskertti. О́ıtkeni vırýs plasentadan ótpeıdi eken. Biraq onyń ana densaýlyǵyna zaqym keltirý múmkindigi basym.
Alaıda Densaýlyq saqtaý mınıstrliginiń resmı saıtynda Hayat-Vax vaksınasynyń 2-shi komponentin alǵandar 2 aıdan keıin júktilikti josparlaýyna bolatyny jazylǵan.
