Oqıǵa Temirtaýdaǵy shaǵyn aýdandardyń birinde bolǵan jáne baqylaý kameralaryna túsip qalǵan. Vıdeoda eki er adam aldymen kóshede tóbelesip, artynsha taǵy birneshe er adam qosylǵany kórsetilgen. Nátıjesinde olardyń bireýi qolyna pyshaq alǵan. Artynsha er adamdar turaqta turǵan kólikke otyryp, ketip qalǵan.
Oqıǵa ornyndaǵy vıdeo áleýmettik jelide tarap ketti. Qaraǵandy oblysynyń Polısııa departamenti vıdeony zerttep, oǵan qatysty pikir bildirdi. Vedomstvo málimetinshe, tóbelesken er adamdar anyqtalǵan.
«Bul derek boıynsha qylmystyq is tirkeldi. Barlyq er adam anyqtaldy. Búginde sotaldy tergeý júrip jatyr», dedi PD baspasóz qyzmetiniń ókilderi.
