О́tken táýlikte, 13 shildede qalada karantındik shekteýlerdi buzǵan 4 kásipkerlik nysan anyqtaldy.
Esil aýdanynyń monıtorıngtik toby jumys rejımin buzǵany, sondaı-aq qyzmetkerleriniń betperde taqpaǵany úshin «Bariton» karaoke-klýbyn ákimshilik jaýapkershilikke tartty. Al «Aura club Alanya» túngi klýby esikterin jaýyp alyp jumys istegen.
Sonymen qatar belgilengen ýaqyttan keıin Almaty aýdanynda ornalasqan «Osoba» kafesi, «Respawn» kompıýterlik klýby, sondaı-aq Saryarqa aýdanynda «Bariton» karaoke-bary jumysyn jalǵastyrdy.
Tártip buzýshylarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.
Esterińizge sala keteıik, qaladaǵy epıdemıologııalyq ahýal áli de turaqsyz bolyp otyr. KVI ınfeksııasyn juqtyrǵandar sany artyp keledi. Máselen, elordada ótken táýlikte 1000-nan astam adam koronavırýs juqtyrdy. Jaǵdaıǵa baılanysty qala turǵyndary men qonaqtary, kásipkerlik nysandary sanıtarlyq normalardy, shekteý sharalaryn qatań saqtaýy tıis.
