Infeksııalyq aýrýlardy epıdemıologııalyq qadaǵalaý basqarmasynyń basshysy Roza Qojapovanyń aıtýynsha, vaksına alǵan adamdar da aýyryp qalýy múmkin. Alaıda, vaksına saldyrǵandarda aýrý jeńildeý ótedi.
«Biz juqtyrý jaǵdaılary sanyn baqylap otyramyz: vaksınanyń birinshi dozasyn alǵandar arasynda – 1325 juqtyrý jaǵdaıy, eki doza alǵandar arasynda – 964 jaǵdaı tirkelgen. Sondaı-aq biz vaksına saldyrǵandar arasynda aýrýdyń qalaı ótetinin qadaǵalaımyz – aýrýhanaǵa jatqyzylǵandar bar, biraq olardyń kópshiligin ilespe sebepterdiń aýyr bolǵany úshin aýrýhanaǵa jatqyzýda», dedi spıker.
Sonymen birge Roza Qojapova vaksınalaý pasportyn satyp alyp, aýyr jaǵdaıda aýrýhanaǵa túsken naýqas týraly aıtyp berdi.
«Jansaqtaý bólimine túsý boıynsha da jekelegen jaǵdaılar boldy. Mysaly bir adamnyń ekpe saldyrmaı, zańnamany buzyp, vaksınalaý pasportyn alǵany belgili boldy, ony ózi koronavırýs juqtyryp, jaǵdaıy aýyrlaǵanda moıyndady. Vaksına alǵan naýqastarda juqpanyń aýyr ótýi sırek, tipti tómen kórsetkishte deýge bolady», deıdi R. Qojapova.
