Elorda ákiminiń jazýynsha, qaladaǵy epıdemıologııalyq jaǵdaı áli de kúrdeli. О́tken táýlikte myńnan astam adamnan koronavırýs ınfeksııasy anyqtaldy. Dárigerlerdiń aıtýynsha, naýqas sanynyń ósýine ótken demalys kúnderi aıryqsha áser etken. Iаǵnı qala turǵyndarynyń tabıǵat aıasynda saýyq quryp, sýǵa túsýi ınfeksııa juqtyrǵandardyń artýyna sebep bolǵan.
«Qala turǵyndaryn adam kóp jınalatyn oryndarǵa barmaýǵa shaqyramyn. Bóten adamdarmen, kópshilikpen qarym-qatynasty, sol sııaqty qonaqqa barýdy toqtatýy qajet. Qazir áleýmettik jáne azamattyq jaýapkershilik tanytatyn ýaqyt. Bul ásirese bıznes nysandaryna da qatysty. Koronavırýstyń jańa túri – «Delta» shtamy (úndi dep te atalady) neǵurlym juqpaly, qysqa ınkýbasııalyq kezeńde júretinin jáne aýyr kúıde ótetinin este ustaǵan jón.
Infeksııa juqtyrǵandar sanynyń ósýin, onyń ishinde aýyr haldegi naýqastardy eskere otyryp, medısınalyq mekemelerdi birinen soń birin kovıdtik aýrýhanalarǵa aınaldyryp jatyrmyz. Medısınalyq mekemelerde 100 vaksınasııa pýnkti jumys istep tur. Qala turǵyndaryna yńǵaıly bolý úshin birqatar saýda úıi men SOO-da vaksınasııa pýnktteri ashyldy.
Búgin vaksınasııa pýnktteriniń birine bardym. Vaksına alý úshin barlyq jaǵdaı jasalǵan. Al eńbek ujymdaryn vaksınasııalaý úshin medısınalyq brıgadalar attanady.
Aldymyzda oqý jyly kele jatyr. Oqytýdyń burynǵy formatyna – oflaın rejımge oralý úshin ujymdyq ımmýnıtetti damytý qajet. Ujymdyq ımmýnıtet ózge de kásiporyndarǵa úzdiksiz jumys isteýge múmkindik beredi.
Qazirgi ýaqytta vaksınanyń birinshi komponentin 300 myńnan astam qala turǵyny aldy.
Vaksınasııa – ózińizdiń densaýlyǵyńyzdy, sondaı-aq jaqyndaryńyz ben aınalańyzdaǵy adamdardyń densaýlyǵyn qorǵaýdyń jalǵyz ádisi.
О́zińizdi jáne jaqyndaryńyzdy qorǵańyz!», dep jazdy elorda ákimi A.Kólginov.
