Aıt kúnderi halyq tarapynan mal satyp alýǵa degen suranys artady. Osy rette Bas múftı elimizdegi barsha sharýa qojalyqtarynyń qojaıyndaryn Qurban aıttyń qurmetine mal qunyn sharyqtatpaı, halyqqa ońtaıly baǵany usynýǵa shaqyrdy.
«Mal baǵasyn qadaǵalaý quzyretimizge jatpaıdy. Degenmen, Qurban aıt qarsańynda qarapaıym halyqqa qol jetimdi bolý úshin jergilikti jerdegi kásipkerlerge túsindirý jumystary júrgizilýde. Qazirgi kezde birneshe kásipker bir baǵany bekitip, qoldaý kórsetýde. Saıtta onlaın qurban shalý qaı jerde qandaı baǵamen ótkiziletini týraly aqparat usynylǵan», dedi Bas múftı jýrnalısterdiń saýalyna bergen jaýabynda.
Sonymen qatar, Naýryzbaı qajy Taǵanuly kásipkerlerdi turǵyndar kúnde tutynatyn áleýmettik mańyzy bar azyq-túlik baǵasyna múmkindiginshe jeńildik jasaýǵa úndedi.
