Parktiń aýdany - 1,2 gektar. Qoldanystaǵy saıabaqty qaıta qurý jáne L.N. Gýmılev atyndaǵy EUÝ-ǵa jaqyn ekenin eskere otyryp, demalýǵa arnalǵan tynysh oryndar, serýendeý jáne oqý oryndaryn qurý josparlanýda.
«Ustaz alany» saıabaǵy muǵalimderge arnalǵan. Onyń aıryqsha ereksheligi – shaǵyn sáýlet nysandarynda. Máselen, ár oryndyqqa muǵalimniń aty-jóni men shaǵyn ómirbaıany jazylǵan taqtaısha ornatylady. Sonymen qatar pedagogterge eren eńbegi úshin alǵys retinde grıfel qabyrǵasy men «Bilim japyraqtary» ınstallıasııasyn ornatý josparlanyp otyr», dedi Nur-Sultan qalasynyń Sáýlet, qala qurylysy jáne jer qatynastary basqarmasynyń basshysy Nurlan Uranhaev.
Saıabaq aýmaǵynda almasyp oqý úshin kitap qoraptaryn ornatý josparlanyp otyr. Sonymen qatar saıabaqtyń ortalyq bóliginde taza aýada sheberlik sabaqtaryn ótkizýge arnalǵan oryn ashylady. Elordanyń dızaın-kodyna sáıkes jaryqtandyrylǵan átkenshek oryndyqtary men bıik shamdar (torsher) alleıany ásemdeı túsedi. Kógaldandyrýǵa da erekshe kóńil bólinbek. Al saıabaqtyń ortalyq bóligine emen otyrǵyzý josparlanǵan.
«Bul saıabaq Aqbulaq ózeniniń janynda ornalasqandyqtan, teńiz keıpindegi balalar alańqaıy ornatylady. Budan bólek erekshe shatyrlary bar alań ashylady», dedi ýrbanıstıka ortalyǵynyń basshysy Elnar Bazyken.
Saıabaqtyń jaǵasyna sarǵysh reń beretin jaryq pen gırlıandalar ornatý josparlanýda. «Adamǵa yńǵaıly qala» ıdeıasyn iske asyrý aıasynda kedergisiz orta qurylady.
Esterińizge sala keteıik, bıyl elorda ákimi Altaı Kólginovtiń tapsyrmasy boıynsha «Nur-Sultan – jaıly qala» master-jospary aıasynda 190-ǵa jýyq aýla men qoǵamdyq keńistikti abattandyrý josparlanyp otyr.
О́tken jyly 210 aýla men qoǵamdyq keńistik abattandyrylǵan bolatyn.
