2013 jylǵy 20 jeltoqsan, Astana, Úkimet Úıi
«Avtomobıl kóligimen qaýipti júkterdi tasymaldaý jónindegi keıbir máseleler týraly» Qazaqstan Respýblıkasy Úkimetiniń 2004 jylǵy 12 naýryzdaǵy № 316 qaýlysyna ózgerister men tolyqtyrý engizý týraly
Qazaqstan Respýblıkasynyń Úkimeti qaýly etedi:
1. «Avtomobıl kóligimen qaýipti júkterdi tasymaldaý jónindegi keıbir máseleler týraly» Qazaqstan Respýblıkasy Úkimetiniń 2004 jylǵy 12 naýryzdaǵy № 316 qaýlysyna (Qazaqstan Respýblıkasynyń PÚAJ-y, 2004 j., № 14, 176-kujat) mynadaı ózgerister men tolyqtyrý engizilsin:
kórsetilgen qaýlymen bekitilgen Avtomobıl kóligimen qaýipti júkterdi tasymaldaý qaǵıdalarynda:
6-tarmaq mynadaı redaksııada jazylsyn:
«6. Qazaqstan Respýblıkasynyń aýmaǵy boıynsha 1, 6 jáne 7-klasty qaýipti júkti tasymaldaý ruqsat berý qujaty – Qazaqstan Respýblıkasynyń aýmaǵy boıshsha qaýipti júkti tasymaldaýǵa arnalǵan arnaıy ruqsat negizinde, arnaıy beıimdelgen avtomobılmen nemese osy maqsattar úshin arnaıy qaıta jabdyqtalǵan basqa da avtokólik quraldarymen júzege asyrylady.»;
7-tarmaq alynyp tastalsyn;
11-tarmaqtyń 1) tarmaqshasy mynadaı redaksııada jazylsyn:
«1) árbir avtokólik quralyna aqparattyq tablo;»;
25-tarmaqtyń 7) tarmaqshasy mynadaı redaksııada jazylsyn:
«7) Jol qozǵalysy qaǵıdalaryna jáne Qaýipti júkterdi halyqaralyq joldarda tasymaldaý týraly eýropalyq kelisimge (QJHJT) sáıkes taný belgilerimen jabdyqtaý;»;
40-tarmaq mynadaı redaksııada jazylsyn:
«40. Qaýipti júkterdi tasymaldaýǵa qatysýshylar adamdardyń densaýlyǵy men ómirine, qorshaǵan ortaǵa zııan keltirýdi boldyrmaý maqsatynda qaýipsizdikti qamtamasyz etý jónindegi tıisti uıymdastyrý jáne tehnıkalyq sharalar qabyldaıdy.
Qaýipti júkterdi jóneltýshilerdiń jáne (nemese) tasymaldaýshylardyń negizgi nemese qosymsha qyzmeti qaýipti júkterdi tasymaldaýdy nemese onymen baılanysty tıeý-túsirý operasııalaryn qamtysa, óz quramynda tasymaldaý prosesiniń qaýipsizdigine jaýapty qyzmetkerleri bolady.
Qaýipti júkterdi tasymaldaý úshin barlyq qoldanystaǵy marshrýttardan adamdardyń densaýlyǵy men ómirine, qorshaǵan ortaǵa zııan keltirýdi boldyrmaý maqsatynda tasymaldaýshy qaýiptiligi meılinshe tómen marshrýtty tańdaıdy.».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
