Arvaıler aýdanynda alty úı qırap, taǵy birneshe ǵımarat qulaýǵa jaqyn, dep habarlady federaldy polısııanyń resmı ókili. Qazir bul aımaqta tótenshe jaǵdaı jarııalandy. Jergilikti buqaralyq aqparat quraldarynyń málimetterine súıensek, Reın ózeni men onyń tarmaqtarynyń boıynda ornalasqan kóptegen qalany sý shaıyp ketken. Tasqyn sýdyń qursaýynda qalǵan halyq qutqarýshylardy úılerdiń shatyrynda kútýge májbúr. Adamdardy apattan aman alyp qalý úshin tikushaqtar jumyldyryldy.
- Bul aımaqta mundaı apat eshqashan bolǵan emes. Tabıǵattyń kúshine aıtar sózimiz joq. Janymyzǵa batatyny, apat adamdardyń ómirin qıyp jatyr. Qaza tapqandardyń týǵan-týystaryna kóńil aıtamyn. Taǵy qanshama turǵyn iz-tússiz joǵalyp ketken, - deıdi Reınland-Pfals aımaǵynyń basshysy Malý Draıer.
