Onyń aıtýynsha, Almatyda sanıtarlyq-epıdemıologııalyq jaǵdaı kúrdeli. Naýqastar sanynyń ósýine mýtasııalanǵan «delta» shtamy áser etýde.
«15 shildede koronavırýs ınfeksııasynyń 885 jaǵdaıy tirkeldi. Onyń 780-i sımptomsyz jáne 105-i sımptomdy. Infeksııalyq stasıonarlarda 2 292 adam, onyń ishinde 181 bala jatyr. Reanımasııa jáne qarqyndy terapııa bólimshelerinde 132 naýqas bar. Sondaı-aq 27 – О́JJ, 39 - ınvazıvti emes О́JJ, 61 High flow apparaty qosylǵan. Búginde úıde BMSK jáne telemedısına ortalyǵynyń mobıldi brıgadalarynyń baqylaýynda 4 326 naýqas bar, sımptomdy jeńil jáne ortasha dárejesi bar - 3958, al sımptomsyz – 368 adam bar», dedi Jandarbek Bekshın.
Sonymen qatar ol Qurban aıt merekesi bıyl onlaın formatta ótetinin jetkizdi.
«Qalada koronavırýs ınfeksııasynyń kúrt órshýine baılanysty adam kóp jınalatyn is-sharalardy, onyń ishinde uıymdarda, sondaı-aq jeke menshik úı men medreselerde aıt namazyn ótkizýge tyıym salynady», dedi Jandarbek Bekshın.
