Is-sharaǵa «Kazakh Tourism» Ulttyq Kompanııasy AQ ókilderi men «Visit Shymkent» týrıstik aqparattyq ortalyǵy, sondaı-aq qonaq úı ıeleri jáne sala mamandary qatysty.
Aıta ketý kerek, «eQonaq»biryńǵaı aqparattyq júıesi tájirıbelik paıdalanýǵa 2020 jyldyń IV toqsanynda engizildi. Búginde atalǵan júıe negizinde Nur-Sultan, Almaty, Aqmola jáne Soltústik Qazaqstan oblystaryndaǵy 576 ornalastyrý orny, atap aıtsaq, qonaq úıler, hostelder, demalys úılerinde 29077 týrıst tirkelgen.
Shymkentte atalǵan aqparattyq júıege 65 qonaq úı engizilip, tájirıbede qoldanylyp keledi. Sondaı-aq, atalǵan júıe shilde aıynda Taraz, Qyzylorda, Túrkistan qonaq úılerine de engizilmek. Jyl sońyna deıin elimizdiń basqa da týrıstik aımaqtary tolyqtaı qamtylyp, «eQonaq» júıesine tirkelgen qonaq úıler sanyn 700-ge jetkizý josparlanyp otyr.
Al júıeni damytý aıasynda Kazakh Tourism ulttyq kompanııasy ázirleýshi retinde «Ashyq» júıesimen ıntegrasııalaýdy qolǵa almaq.
