Oblystyq densaýlyq saqtaý basqarmasynyń aqparatyna qaraǵanda, ınfeksııalyq stasıonarlarda – 1 013, al úıinde 1 894 pasıent emdelip jatyr.
Belgili bolǵandaı, sońǵy eki kúnde koronavırýs ınfeksııasyna shaldyǵýshylar kóbeıgen. Máselen, 16 shildede – 342, 17 shildede 277 adam qaýipti vırýs juqtyrǵan. Sońǵy eki kúnde Atyraý qalasynda koronavırýs ınfeksııasyn juqtyrýdyń 469 deregi tirkelip otyr. Sondaı-aq, Teńiz kenishinde – 28, Jylyoı aýdanynda – 27, Inderde – 22, Qyzylqoǵada – 18, Isataıda – 17, Mahambette – 17, Qurmanǵazyda – 10, Maqat aýdanynda 16 adamnan qaýipti vırýstyń belgisi anyqtalǵan.
«Qazir óńirdegi ınfeksııalyq stasıonarlarda 1 013 naýqas emdelip jatyr. Onyń ishinde aýdandardaǵy ınfeksııalyq stasıonarlarda – 240, modýldik aýrýhanada – 203, №2 oblystyq aýrýhanada – 199, kardıologılyq ortalyqta – 110, temirjol aýrýhanasynda 95 pasıent emdelýde. Jylyoı aýdanynda ornalasqan Teńiz kenishindegi stasıonarda – 95, al ftızıopýlmanologııalyq ortalyqta 95 naýqas em qabyldaýda», dep habarlady basqarmanyń baspasóz qyzmeti.
