Jumysyn 2011 jyly 15 túrli medısınalyq buıymdardy óndirýden bastaǵan zaýyt búginde 400-ge jýyq farmasevtıkalyq zattardy elimizge de, kórshiles memleketterge de eksporttaıdy.
Zaýytta toqylmaǵan materıaldan jasalǵan birrettik sterıldi emes «Nárııa» medısınalyq halattary, hırýrgııalyq kıimder jıyntyǵy, asa juqpaly jáne ınfeksııalyq aýrýlardan saqtanýǵa arnalǵan betperdeler men shprıster, sondaı-aq, sıstemalyq quraldar, spırtti salfetkalar men bınt, leıkojapsyrmalar, ota jasaýǵa arnalǵan qural-jabdyqtar jıyntyǵy óndiriledi.
Sondaı-aq, mundaǵy jumysshylarǵa da jaǵdaı jasalǵan. Jumysqa jańadan ornalasqan azamattar tehnıka tilin meńgerý úshin arnaıy kýrstardy tegin oqyp, kásipke úırenedi. Taǵy bir aıta keterligi, kásiporynda balalar úıinen shyqqan, turǵyn úıi joq jandarǵa zaýyt ishinen salynǵan 100-ge jýyq oryndyq jataqhana men ashananyń tegin qyzmeti kórsetiledi.
Atalǵan zaýyttyń jumysymen Jambyl aýdanynyń ákimi Sáken Arýbaev baryp tanysty. Bul rette «Super Pharm» jaýapkershiligi shekteýli seriktestiginiń dırektory Qaırat Qaımoldaev kásiporyn osy kúnge deıin medısınalyq buıymdardy óndirý úshin shıkizatty syrttan tasymaldap kelgen bolsa, endi sol shıkizatty óndirý úshin zaýyt aýmaǵynda úlken korpýstyń jumysy bastalǵanyn aıtty.
Keleshekte zaýyttyń qýattylyǵy artyp, jumyspen qamtylatyn azamattar qatary da artatyn bolady. Qurylys jumystary men qajetti qurylǵylardy ornatý úshin atalǵan seriktestik tarapynan 1,7 mıllıard teńge jumsalypty. Endi shıkizat óndiretin korpýstyń qurylysy kelesi jyldyń mamyr aıynda tolyq aıaqtalyp, 100-ge jýyq adamdy jumyspen qamtıtyn bolady. Sondaı-aq, bul korpýsta munaı qaldyqtarynan aýylsharýashylyq, jol jasaý, qurylys zattarynyna da qajetti shıkizat óndiriledi.
Jambyl oblysy
