Oblystyq polısııa departamenti baspasóz qyzmetiniń aqparatyna qaraǵanda, 12-18 shilde aralyǵynda ustalǵan 13 júrgizýshi ákimshilik jaýapkershilikke tartylǵan.
«Patrýldik polısııa qyzmetkerleri 17 shildede túngi saǵat 23:30 shamasynda «Opel Astra» markaly avtokóligin toqtatty. Tekserý kezinde 1988 jyly týǵan júrgizýshiden ishimdiktiń ıisi baıqalǵan. Medısınalyq saraptamanyń korytyndysymen júrgizýshiniń jeńil dárejedegi mas ekeni anyqtaldy. Atalǵan azamatqa qatysty QR Ákimshilik quqyqbuzýshylyq týraly Kodeksiniń 608-babymen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarǵany úshin) ákimshilik hattama toltyryldy. Kólik júrgizýshisi sot sheshimimen 7 jylǵa júrgizýshi quqyǵynan aıyrylyp, 15 táýlikke ákimshilik qamaqqa alyndy», dep habarlady departamenttiń baspasóz qyzmeti.
Sondaı-aq, 18 shildede saǵat 21:20 shamasynda 50 jastaǵy júrgizýshiniń alkogoldik ishimdik iship, «Lada largýs» markaly avtokóligin basqarǵany anyqtaldy. Bul azamat ta sot sheshimimen 7 jylǵa júrgizýshi quqyǵynan aıyrylyp, 15 táýlikke ákimshilik qamaýǵa alyndy.
