Ol sanksııalardyń Belarýs eline áseri týraly suraqqa jaýap berdi. Onyń sózinshe, sanksııa tosynnan engizilmeıdi jáne qarsy sharalar aldyn ala oılastyrylady.
«Árıne, sanksııalar kez kelgen el úshin jaqsy emes. Men ony jasyrmaımyn. Biraq biz erte me, kesh pe bul sanksııalardyń ekonomıkamyzdy turalatyp, joıý maqsatynda bizge qarsy qoldanylatynyn túsindik. Sondyqtan kúttik jáne daıyn boldyq», deıdi Belarýs basshysy.
Prezıdenttiń sózine sensek, el ekonomıkasy osy jyldyń basynan beri turaqty ósimdi kórsetip keledi.
«Osy jyldyń birinshi jartyjyldyǵynda Belarýs Respýblıkasyndaǵy jalpy ishki ónimniń ósýi shamamen 3,5 paıyzdy qurady. Bul ótken jyly josparlaǵanymyzdan kóp», dedi Aleksandr Lýkashenko.
