Bıyl kógaldandyrylatyn jerdiń jalpy aýdany shamamen 30 gektardy quraıdy. «Jasyl el» jastary qaladaǵy kóshetterge kútim jasap qana qoımaı, qaıyń, qaraǵaı, kókterek jáne terek kóshetterin sýaryp, qopsytady.
Baǵdarlamaǵa úsh jas sanatyndaǵy jastar qatysady. Birinshi topqa kópbalaly jáne áleýmettik az qamtylǵan otbasylardyń 14 jastan 17 jasqa deıingi balalary kiredi. Olar mektep saıabaqtary men skverlerdi tazalaý boıynsha jumystardy isteıdi. Bul toptyń jumys kúni tórt saǵattan aspaıdy.
Ekinshi topqa kolledj ben joǵary oqý oryndarynyń 17-22 jas aralyǵyndaǵy stýdentteri kiredi. Olar kolledj ben ýnıversıtet saıabaqtaryn kógaldandyrýmen aınalysady.
Úshinshi sanatqa 18-29 jas aralyǵyndaǵy jumyssyz jastar jatady. Olar qurylys alańdarynda, sondaı-aq «Astana ormany» kásipornynda tolyq jumys kúni aıaqtalǵansha eńbektenedi.
«Jasyl el» tóraǵasy Marat Muhamedjanulynyń aıtýynsha,jastar baǵdarlama beretin 64 myń teńge jalaqydan bólek, jumys berýshiden de qosymsha aqsha alady. Olardyń ortasha tabysy aıyna 200 myń teńgeni quraıdy.
Eńbek jasaqtarynyń jumys prosesi sanıtarlyq-epıdemıologııalyq normalardy saqtaı otyryp júzege asyrylady. Jastar dalada, taza aýada keminde eki metr qashyqtyqty saqtaı otyryp jumys isteıdi. Maska men qolǵap kııý talaptary da saqtalady.
Bul týraly Nur-Sultan qalasynyń resmı saıty jazdy.
