Batys Qazaqstan oblysy Bórli aýdanyndaǵy Bórli aýyly – kezinde aýdan ortalyǵy bolǵan, iri aýyldyq okrýg. Shildeniń 25-i kúni ótetin aýyl ákimderi saılaýyna Nur Otan partııasy atynan túskeli otyrǵan Ázilhannyń negizgi mamandyǵy – aǵylshyn tili pániniń muǵalimi. Qos joǵary bilimi bar úmitker buǵan deıin birneshe aýyl ákimdigi apparatynda qyzmet atqarǵan.
«Aýyl ákimderin halyqtyń ózi tikeleı saılaýy – óte mańyzdy qadam. Bul saılaý naýqany kezinde ár úmitkerdiń aýyldy damytý jónindegi saılaýaldy baǵdarlamasy eń basty qujat ekeni sózsiz. Biraq saılaýda halyq senimine ıe bolǵan ákim bergen ýádesin umytpaı, saılaýshylardyń tapsyrmasyn oryndaýǵa tıis», dedi jastar aldynda sóz alǵan Avetık Rýbenuly.
Depýtattyń aıtýynsha, Nur Otan partııasynan usynylǵan úmitker óz baǵdarlamasyn bılik partııasynyń baǵyt-baǵdarymen úndestire jasaıdy. Sondyqtan da ol ýádeler qurǵaq sóz bolmaıdy. El Prezıdenti Qasym-Jomart Toqaevtyń tikeleı tapsyrmasymen ótkeli otyrǵan saıası naýqan eldegi saıası júıeniń pisip-jetilgenin ǵana kórsetpeıdi, sonymen birge bizdiń qoǵamnyń demokratııalyq damýyna baǵyttalǵan mańyzdy qadam ekeni sózsiz deıdi depýtat.
Pandemııaǵa baılanysty úgit-nasıhat kezeńi, negizinen, onlaın formatta ótip jatqanymen, ár saılaýshy óz tańdaýynyń mańyzdy ekenin tolyq túsinedi. О́ıtkeni aýyl ákimin tikeleı saılaý, aýyl taǵdyryn qolyna ustaıtyn adamdy tańdaý – týǵan jerińniń keleshegine degen jaýapkershilik te júkteıtini anyq.
«Aldaǵy saılaýda bórlilikter eń laıyqty tulǵany tap basyp tańdaı alady degen senimdemin. Al bul saılaýda jeńip shyqqan ákimdi eń joǵary marapat – halyq senimi kútip tur», dedi Avetık Amırhanıan.
Kezdesýde Ázilhan Zarıfov ta sóz alyp, óziniń saılaýaldy baǵdarlamasyn tanystyrdy. Osyndaı mańyzdy sátte qoldaý bildirip kelgen Májilis depýtatyna rahmet aıtty.
Kezdesý barysynda Májilis depýtaty jastardyń túrli saýaldaryna jaýap berdi.
Batys Qazaqstan oblysy
