«Qyzyl aımaqtaǵy» qyzý qareket

Taıaýda jaman tumaýmen kúresip jatqan medısına ortalyqtaryna baspasóz týry uıymdastyryldy. Árıne, barlyq saqtyq sharasy saq­taldy. Bas kóterýge murshasy bolmasa da, aq halatty abzal jandar sta­tıs­tıkalyq derekterdiń ánsheıin oıdan shyǵarylmaǵanyn, adam janyn titirkentetin derekterdiń barlyǵy shyn­dyq ekenin ashyna otyryp aıtyp berdi. Endi sol derekterdi keltire ketelik. О́tken jylǵy sáıkes merzimmen salystyrǵanda, oblysta indet úsh ese ósken. Ásirese 18 jasqa deıingi balalarǵa, júkti áıelderge, sozylmaly syrqaty bar adamdarǵa eshkimdi aıaýdy bilmeıtin qaýip-qater tóndirip tur. Sebep bireý-aq, ázirshe olar úshin vaksınalaý joq. Tyǵyryqtan shyǵar jalǵyz joldy mamandardyń nusqap kórsetýine qaraǵanda, turǵyndardyń bul sanatyn tek ujymdyq ımmýnıtetpen qorǵaýǵa bolady. Biraq bul tarapta da olqylyqtyń oryn alyp otyrǵanyn ashyna aıtýǵa tıistimiz. Máselen, oblys ortalyǵyndaǵy vaksına alýǵa jatatyn 780 myńnan asa adamnyń búginde nebári 140 myńǵa jýyǵy ǵana ekpe alǵan. Immýnıtetti qorǵanystyń qanat jaımaýy da sol sebepti. Osydan baryp indettiń boı bermeı turǵanyn baıqaýǵa bolady. Kerisinshe órshı túsken. Aıtalyq ótken jyldyń alty aıynda oblys boıynsha 143 bala emdelse, bıyldyń basynan beri eki myńnan asa kámeletke tolmaǵan bala dert sheń­geline ilikken.

Indetpen alysyp jatqan medısına qyzmetkerleriniń aıtýyna qaraǵanda, syrqattardyń 70 paıyzǵa jýyǵy aýyr jaǵdaıda túsedi eken. Bul arada balalardyń jaıy alańdatpaı qoı­maıdy. Sondaı-aq júkti áıelderdiń dert­ke shaldyǵýy da azaımaı otyr. Tek sońǵy aptada ǵana indet juqtyrǵandar sany eki ese kóbeıipti. Orny tolmas qaıǵy – adam ólimi de jıilegen.

Naqty kórinis osylaı bola tura, adamdardyń biraz bóligi vaksınaǵa áli de kúmándana qaraıtynyn jasyrýǵa bolmas. Onyń ústine karantın talaptaryn saqtaı bermeıdi. Báz-baıaǵydaı júzdep adam jınalatyn toı-tomalaq, as, janaza, qudalyq ótkizilip jatyr.

– Qazir vaksına óte mańyzdy. Eldi aman alyp qalatyn jalǵyz qadam – osy, – deıdi oblystyq aýrýhananyń bas dárigeri Nurlan Jarov.

Aýrý kóbeıgen saıyn jedel jár­dem dárigerlerine túsetin salmaq ta aýyr­laǵan. Baspasóz týry barysynda oblystyq jedel járdem stan­sasynyń bas dárigeri Aleksandr Vysos­kıı ujymynyń qanshalyqty qajyr­ly qyzmet etip otyrǵanyn taratyp aıtyp berdi. О́tken jylǵy sáıkes merzimmen salystyrǵanda, aýrýhanalarǵa jatqyzylǵandar sany 54 paıyzǵa ósken. Onyń ishinde asa aýyr haldegi syrqattardyń sany eki ese kóp eken. Maýsym aıynda ǵana kovıd juqtyrdy degen kúdikpen
3 800 adam aýrýhanalarǵa jetkizilipti. Táýli­gine myńdaǵan shaqyrý túsedi. Oblys ortalyǵynyń ózinde ǵana 400-ge jýyq turǵyn jedel járdem qyzmetine júginedi.

Qazir 68 medısınalyq jedel jár­dem brıgadasy jantalasa jumys istep jatyr. О́tken jyly júktemeniń kóbe­ıýine baılanysty qosymsha reanımobılder satylyp alynypty. Talap ta ósken. Jedel járdem kóligin tekserýge, syrqattardy aýrýhanaǵa jatqyzýǵa, odan keıin dezınfeksııalaýǵa bir saǵat­qa jýyq ýaqyt ketedi eken. Operator­lardyń ótinish bildirgen turǵyndarmen sóılesý tártibi de ózgergen. Aýrýdyń belgileri men naýqastyń jaǵdaıy, adam­dar kóp jınalǵan is-sharalarǵa qatysqan-qatyspaǵandyǵy, jol saparǵa shyqqan-shyqpaǵandyǵyn anyqtaý úshin suraqtar qoıady.

Indet órshı bastaǵannan-aq ár kún saıyn densaýlyq saqtaý basqarmasy, jergilikti atqarýshy organ ókilderi resmı paraqshalarda búgingi oryn alyp otyrǵan jaıdy aına-qatesiz kórsetetin, bir qaraǵanda, barynsha qorqynyshty kórsetkishtermen bólisedi. Alǵashqy bette dúrligip qalǵanymen, qazir eti úırenip ketken kópshilik máselege jetkilikti mán bermeı otyr.

Aqmola oblysy