«Pandemııa densaýlyq saqtaý jáne bilim berý salasyndaǵy qazirgi problemalardy aıqyndady jáne osy salalarda jańa reformalar júrgizý qajettigin kórsetti. Qazirgi kezde dáriger mamandardyń jetispeýshiligi baıqalady, óńirlerde kadrlardy oqytýǵa grantpen qarjylandyrý qajet. Ulttyń densaýlyǵy men ál-aýqaty bizdiń bolashaǵymyz ekenin jáne memlekettiń damýy soǵan baılanysty túsiný kerek», dedi Olga Býlavkına.
Senator koronavırýs ınfeksııasy pandemııasymen kúres kezinde dárigerlerdiń jumysyna basa nazar aýdardy, olarǵa qajyrly eńbegi úshin alǵys aıtty, sondaı-aq vaksınasııa máselelerin talqylady.
Senator sondaı-aq óńirdegi kópbalaly otbasylardyń turǵyn úı máseleleri qalaı sheshilip jatqanymen tanysty. Ol júzege asyp jatqan «Bir qabatty Shyǵys» jobasyn joǵary baǵalady. Memlekettik-jekeshelik áriptestik qaǵıdatyna negizdelgen joba kóp balaly otbasylardyń turǵyn úı jaǵdaılaryn jaqsartýǵa múmkindik beredi. Senator búgingi tańda kóp balaly otbasylardy turǵyn úımen qamtamasyz etý – memlekettiń basym mindetteriniń biri ekenin atap ótti.
Senator fermerlermen kezdesý barysynda jergilikti sharýalardy tolǵandyrǵan máselelerdi tyńdady. Olar aýyl sharýashylyǵyn damytýǵa baǵyttalǵan sýbsıdııalardy bólý júıesin ózgertýge qatysty máselelerdi kóterdi.
Olga Býlavkına sondaı-aq Qoǵamdyq keńester, ardagerler keńesi, etnomádenı birlestikter múshelerimen de kezdesti. Bul kezdesýlerde ákimderdi saılaý jáne qoǵamdyq keńesterdiń, oblystyq Qazaqstan halqy Assambleıasynyń, Analar men aqsaqaldar keńesteriniń jumysy máseleleri qaraldy. Sonymen qatar aýrýhanalardy jabdyqtaý, densaýlyq saqtaýdyń aqparattyq júıelerin ıntegrasııalaý jáne jeńildikti dári-dármekter berý máseleleri de kóterildi.
Depýtat aımaq turǵyndary kótergen barlyq máseleler onyń zań shyǵarý qyzmetiniń arqaýyna aınalatynyn atap ótti.
