«Elordada COVID-19 ınfeksııasy boıynsha epıdemıologııalyq jaǵdaı kúrdeli. Kún saıyn koronavırýs ınfeksııasyn juqtyrǵan 1200-1500 naýqas tirkeledi. Sońǵy aptada COVID-19 ınfeksııasynyń 9934 oqıǵasy tirkeldi, bul aldyńǵy aptadan 37,5%-ǵa joǵary», dedi elordanyń sanıtarlyq dárigeriniń orynbasary.
Onyń aıtýynsha, naýqastardyń 80,6%-y – eresekter, 16,6%-y – balalar, 2,7%-y – jasóspirimder.
Epıdemıologtar KVI aýrýynyń kúrt ósýine «delta» shtamynyń taralýy sebep bolyp otyrǵanyn jetkizdi. «Delta» indettiń jyldam taralýyna áser etip, naýqasty óte aýyr kúıge túsiredi.
«Sondaı-aq naýqastardyń ósýine jazǵy demalys ta sebep bolyp otyr. Jurt el ishinde emin-erkin qatynap júr. Maska rejımin, adam kóp jınalatyn oryndarda qorǵanys talaptaryn elemeıdi», dep tolyqtyrdy Janna Pirálıeva.
