Memleket basshysy Qytaıdyń Henan provınsııasyndaǵy tolassyz jańbyr men sý tasqyny saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyldady.
«Osyndaı aýyr sátte qaıǵy-qasiretterińizge ortaqtasyp, barsha qazaqstandyqtardyń jáne jeke ózimniń atymnan Sizge, jaqyndarynan aıyrylǵan otbasylarǵa, sondaı-aq, búkil Qytaı halqyna qaıǵyra kóńil aıtamyn. Tabıǵı apattan jaraqat alǵandardyń tez arada saýyǵyp, iz-tússiz joǵalǵandardyń aman-esen otbasylaryna oralýyna tilektestigimdi bildiremin», delingen jedelhatta.
Qasym-Jomart Toqaev qajettilik bolǵan jaǵdaıda Qazaqstan Úkimeti tıisti kómek kórsetýge daıyn ekenin naqtylady.
