Páter urylary ábden mashyqtanǵandar bolǵanyna qaramastan polısııa olardyń izine túse bildi. Oblystyq Polısııa departamenti jáne Petropavl qalasy PB jedel ýákilderi kýágerlerdiń túsiniktemelerin, oqıǵa oryndarynan jaqyn jerde ornalasqan beıne baqylaý kameralarynyń jazbalaryn egjeı-tegjeıli zerdelep jáne buryn osyndaı qylmystar jasaǵany úshin isti bolyp, jaqynda túrmeden kelgenderdi tekserdi. Nátıjesinde, kúdik jeltoqsan aıynda túrmeden bosap shyqqan, narkologııalyq ortalyqta esepte turǵan 36 jastaǵy qala turǵynyna túsedi. Ekinshi kúdikti buryn sotty bolǵan onyń 34 jastaǵy tanysy bolyp shyqty. Olar 14 shilde kúni ustaldy. Kúdiktilerge qatysty qamaýǵa alý túrindegi bultartpaý sharasy qoldanyldy. Qazir Qylmystyq kodekstiń 188-babynyń 3-bóligi boıynsha Sotqa deıingi tergep-tekserý bastaldy. Urlanǵan zattardyń bir bóligi qala lombardtarynan alyndy.«Qazirgi ýaqytta iste 6 epızod bar, Petropavl qalasy turǵyndaryna keltirilgen shyǵyn somasy 3 mıllıon 190 myń teńgeni quraıdy», deıdi Polısııa departamenti bastyǵynyń orynbasary,polısııa polkovnıgi Rýslan Nazarov.
