Qazaly aýdanynda qysqa qajetti mal azyǵyn daıyndaý jumystaryn uıymdastyrý úshin aldyn ala taldaýlar júrgizilip, is-sharalar jospary bekitildi. Júrgizilgen esepke sáıkes mal qystatý naýqanyna 79 400 bas mal túsedi dep boljanyp, barlyǵy 142 myń tonna shóp jáne 28,6 myń tonna jem qajettiligi naqtylandy. Bul týraly aýdan ákimi Muhtar Orazbaev óńirlik kommýnıkasııalyq ortalyqta ótken brıfıngte habarlady.
Qazir 7100 tonna shóp daıyndalǵan. Onyń 800 tonnasy kórshi aýdandardan satyp alynyp otyr.
«Kórshiles aýdandardan mal azyǵyn tasymaldaý shyǵyndary 269,2 mln teńge bolady. Sonyıen qatar, QR Premer mınıstriniń orynbasary V.Sklıardyń tapsyrmasyna oraı oblysqa syrttan temirjol arqyly jetkiziletin jem-shóptiń tasymaldaý qunyn arzandatylyp otyr», dedi aýdan ákimi.
