Qujatqa sáıkes, shekteý sharalary 26 shildeden bastalady.
Barlyq meıramhana, kafe jáne kofehana sııaqty jabyq qoǵamdyq tamaqtandyrý oryndary «Ashyq» jobasyna qatysyp-qatyspaıtynyna qaramastan, senbi jáne jeksenbi kúnderi tek úıge jetkizý qyzmetimen jumys isteıdi. Al jumys kúnderi «Ashyq» jobasyna qatysatyny - saǵat 7:00-den 20:00-ge deıin, «Ashyq»-qa qatyspaıtyn 50 orynnan aspaıtyn tamaqtaný oryndary 7:00-den 17:00-ge deıin zalyn tek 50% toltyrý arqyly jumys isteı alady.
Dál osyndaı erejeler jazǵy alań, ashana tıpi boıynsha tamaqtandyrý obektisi, 20%-ǵa deıin ǵana tolatyn fýd-kort, monsha, saýna, kýrorttyq ortalyq, boýlıng pen karaokege de qatysty.
Ashyq jáne jabyq bazarlar (azyq-túlik jáne azyq-túlik emes), saýda jáne oıyn-saýyq ortalyqtary, saýda úıleri de demalys kúnderi jumys istemeıdi. Al jumys kúnderi «Ashyq» jobasyna qatysatyn nysandar - 7:00-den 20:00-ge deıin, jobaǵa qatyspaıtyny 7:00-den 17:00-ge deıin jumys isteıdi.
Saıabaqtar, jaıaý júrginshiler demalatyn oryndar (Arbat) demalys jáne mereke kúnderi jabyq.
Qoǵamdyq kólik qalypty jumys isteıdi.
Banket zaldary (eske alý sharalary, meıramhana men kafe qyzmetteri) «Ashyq»-syz jumys istemeıdi. Jobaǵa qatysýshylarǵa jumys kúnderi saǵat 7:00-den 20:00-ge deıin zalyn tek 30%-ǵa toltyrý arqyly jumys isteýge ruqsat beriledi.
Basseınderge, jabyq akvaparkterge tyıym salynady. «Ashyq» jobasyna qatysatyn ashyq basseınder men akvaparktarǵa jumys kúnderi saǵat 7:00-den 20:00-ge deıin ruqsat etiledi.
Qaýlynyń tolyq nusqasyn sanıtarlyq-epıdemıologııalyq baqylaý departamentiniń saıtynan alýǵa bolady.
