«Saılaý komıssııalary usynǵan derekterge qaraǵanda 2021 jylǵy 25 shildedegi saǵat 17.00-degi jaǵdaı boıynsha saılaý bıýlletenderin tizimge engizilgen saılaýshylardyń 69,2%-y aldy. Sonyń ishinde: Aqjaıyq aýdany – 77,9%; Báıterek aýdany – 83,3%; Bórli aýdany – 68,1%; Bókeı ordasy aýdany – 77,4%; Jańaqala aýdany – 68,7%; Kaztalov aýdany – 76,1%; Qaratóbe aýdany – 68,9%; Syrym aýdany – 82,4%; Terekti aýdany – 56,4%», dep habarlady Batys Qazaqstan oblystyq saılaý komıssııasynyń tóraǵasy Ǵaısa Qapaqov.
Epıdemıologııalyq kúrdeli jaǵdaıǵa baılanysty oqshaýlanǵan jandar jáne qarttar men múgedekter daýys berýi úshin jyljymaly saılaý jáshikteri uıymdastyrylǵan bolatyn. Jergilikti ýchaskelik saılaý komıssııalarynyń músheleri osyndaı 1300-deı adamǵa arnaıy baryp, tańdaý jasaý múmkindigin jasaýdy josparlaǵan. Barlyq karantın talaptary saqtalǵan osyndaı is-shara nátıjesinde qazirdiń ózinde 900-den asa adam daýys bergeni habarlanyp jatyr.
Aıta keteıik, Batys Qazaqstan oblysynda 31 aýyldyq okrýg ákiminiń ornyna barlyǵy 81 kandıdat baq synap, saılaýǵa túsken.
