Aqtóbe sý qoımasynda balyq aýlaýǵa shyqqan tórt adam mingen motorly qaıyq aýdarylyp, bir adam sýǵa ketip, úsh balyqshy óz betterimen jaǵaǵa shyqqan. Jedel qutqarý otrıady habar túsken boıy izdestirý jumysyn júrgizip, 3 metr tereńdikten 46 jastaǵy balyqshynyń denesin alyp shyqty.
Búgin túski saǵat 13.45-te ruqsat shomylýǵa etilmegen jerde sýǵa túsken 1976 jyly týǵan azamat qaıtys boldy. Aldyn ala berilgen málimet boıynsha marqumnyń ishimdik iship sýǵa túskeni anyqtaldy. Búgin taǵy da Mártók aýdany aýmaǵyndaǵy Elek ózeni boıynda ruqsat etilmegen jerde shomylǵan 18 jastaǵy qyz sýǵa tunshyǵyp qaıtys boldy. Oblystyq TD departamenti turǵyndardan ózen-kólderde saqtyq erejelerin saqtaýǵa shaqyrady. Aqtóbe oblysynyń 9 shildeden bastap «qyzyl» aımaqqa kirýine baılanysty jaǵajaılar qyzmetine tyıym salynǵan bolatyn. Turǵyndar soǵan qaramastan ózen boıyndaǵy kez kelgen jerde sýǵa túsýden tyıylar emes.
