«Almaty oblysynyń 47 jastaǵy turǵyny 13 jasar qyzyn óltirdi degen kúdikpen qamaýǵa alyndy. 23 shilde kúni Talǵar qalasyndaǵy jer úılerdiń birinen zorlyq-zombylyq belgileri bar 13 jasar qyzdyń denesi tabyldy. Oqıǵa ornyna kelgen jedel tergeý toby qajetti is-sharalar ótkizip, qyzdyń ógeı ákesin kúdikti dep tanydy. Belgili bolǵandaı, er adam qyzdyń anasymen azamattyq nekede turǵan eken. Jedel-izdestirý is-sharalary barysynda oqıǵa ornynan jasyrynǵan kúdiktini Almaty qalasynyń aýmaǵynda Almaty oblysynyń krımınaldyq polısııa qyzmetkerleri ustady», dedi Sh. Berikqyzy.
IIM ókiliniń málimdeýinshe, qazirgi ýaqytta ustalǵan er adam ýaqytsha ustaý ızolıatoryna qamaldy. Sotqa deıingi tergeý amaldary júrgizilip jatyr.
