Elordada sulýlyq salondary, shashtarazdar, barber shop» dúısenbi-juma kúnderi saǵat 08:00-den 17:00-ge deıin jumys isteı alady. Al senbi jáne jeksenbi kúnderi jumys isteýine tyıym salynady. Bul jaǵdaıda kelýshilerdi qabyldaý qatań túrde aldyn-ala jazylý arqyly júrgizilýi kerek.
Sonymen qatar, qalada birqatar kásipkerlik nysannyń jumys tártibi qysqartyldy. Osylaısha, «Ashyq» jobasyna qatysatyn fıtnes-ortalyqtarǵa, sport nysandaryna, basseınderge, saýnalarǵa, SPA-ortalyqtarǵa senbi jáne jeksenbi kúnderi jumys isteýine tyıym salynady. Al dúısenbi-juma kúnderi saǵat 07:00-den 17:00-ge deıin jumys isteýine ruqsat etiledi.
«Ashyq» jobasyna qatysatyn kásipkerlik sýbektileri úshin karaoke jumysyn uıymdastyrý kúsheıtilgen sanıtarııalyq-profılaktıkalyq is-sharalardy saqtaı otyryp, senbi jáne jeksenbi kúnderi jumys isteýine tyıym salynady. Al dúısenbi-juma aralyǵynda saǵat 12.00-den 18.00-ge deıin jumys isteı alady.
Aıta ketý kerek, karantındi qatańdatý – elordadaǵy turaqsyz epıdemıologııalyq jaǵdaı men koronavırýs aýrýynyń ósýine baılanysty májbúrli shara.
Qaýly QR aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııa otyrysynyń hattamasyna sáıkes qabyldandy.
Esterińizge sala keteıik, qol qoıylǵan qujat boıynsha dámhanalardyń, meıramhanalardyń, kofehanalardyń jáne ashanalardyń jumys ýaqyty qysqardy.
