Bul – bir jaǵynan aýyl halqyna óz taǵdyryn ózi aıqyndaýǵa berilgen múmkindik bolsa, ekinshi jaǵynan – úlken jaýapkershilik.
«Buryn aýyldaǵy máseleni nege ákimge aıtpaısyz degende onyń joǵarydan tapsyrma bolmasa, halyqtyń talabyna qulaq aspaıtynyn alǵa tartatynsyzdar. Al budan bylaı ákimdi ózderińiz saılap alasyzdar. Endi ákim jumys istemeı jatsa, ózgeden kóre almaısyzdar. О́ıtkeni ózderińiz daýys bergensizder. Onyń jumys isteýin jaı turǵyn retinde ǵana emes, daýys berýshi retinde talap ete alasyzdar», dep túsindirdim.
Iá, aýylda saılaý ótip, halyqtyń saıası belsendiligi oıansa, ondaǵy tirshilik te jandanady. «Jergilikti ózin-ózi basqarý júıesine ózgeris engizý talpynysyn aýylǵa degen qamqorlyqtyń shynaıy qadamy dep qarastyrýǵa da bolady. Al saılaýdan keıin aýyldarda tirshiliktiń jaqsy nemese jaman jaǵyna ózgerýi naqty saılanǵan ákimderge baılanysty bolady dep esepteımin. Ilgeri ketkenderi durys tańdaý jasaǵanyn túsinse, jaǵdaıy ońalmaǵan eldi mekenderdiń halqy saılaýdy sátti ótkizgen aýyldardan kelesi joly úlgi alatyn bolady. О́ıtkeni bir ákimdi saılaǵan soń birneshe jyl sonyń quzyrynda bolý kerek degen talap joq. Halyqqa saılanǵan ákimniń qyzmetine laıyqtylyǵyn daýysqa salý quqyǵy da berilip otyr. «Kósh júre túzeledi» demekshi, bul iste áste asyǵýǵa bolmaıdy. О́ıtkeni bizdiń tańdaǵan jolymyz – revolıýsııalyq ózgeris emes, evolıýsııalyq damý.
«Aýyl» demokratııalyq partııasynan 703 orynǵa barlyǵy 104 kandıdat qatysty. Úmitkerlerdiń ortasha jasy 35-45 aralyǵynda, 11-i – áıel. Saılaý nátıjeleri jaqyn kúnde belgili bolady. Jeńiske aýyldyń tynys-tirshiligi men qordalanǵan máselelerimen jaqsy tanys, sony sheshýde aıanbaı qyzmet etetin úmitkerler jetsin deımiz.
Tóleýtaı RAHYMBEKOV,
«Aýyl» Halyqtyq-demokratııalyq partııasy tóraǵasynyń birinshi orynbasary
