Antısıklon áserinen Qazaqstan aýmaǵynyń basym bóliginde jaýyn-shashynsyz aýa raıy kútiledi. Tek elimizdiń soltústik-batys, ońtústik-batys jáne shyǵysynda atmosferalyq aǵyndardyń ótýimen jańbyr jaýady, naızaǵaı, shyǵysta burshaq jáne daýyl turýy yqtımal.
Respýblıka boıynsha keı jerlerde jeldiń kúsheıýi, ońtústik jáne ońtústik-batysta shańdy daýyl, soltústikte jáne ortalyqta túnde jáne tańerteń tuman kútiledi.
Shyǵys Qazaqstan oblysynyń keı jerlerinde jeldiń kúsheıýi 15-20, ekpini 23 m/s, kúndiz keı jerlerinde daýyl turyp, burshaq túsýi múmkin.
Túrkistan, Qyzylorda, Mańǵystaý, Jambyl oblystarynyń keı jerlerinde shańdy daýyl, jeldiń kúsheıýi 15-20 m/s, Túrkistan oblysynda ekpini 23 m/s. Aqmola, Soltústik Qazaqstan, Qaraǵandy oblystarynyń túnde jáne tańerteń keı jerlerinde tuman túsedi, Qaraǵandy oblysynyń keı jerlerinde jeldiń jyldamdyǵy 15-20 m/s jetedi.
Jambyl, Mańǵystaý, Almaty oblystarynyń basym bóliginde, Aqtóbe oblysynyń keı jerlerinde aptap ystyq saqtalady.
Mańǵystaý oblysynyń keı jerlerinde de óte qatty ystyq bolady.
Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Aqtóbe, Qaraǵandy oblystarynyń keı jerlerinde, Qostanaı oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda joǵary órt qaýpi bar.
