Bul Qoǵamǵa qajet qadam boldy. Ásirese aýyldarda ákimderdiń yqpaly joǵary. Sondyqtan olardy saılaý júıesin ózgertý qoǵam úshin paıdaly.
Demokratııa damymasa, ekonomıkanyń da alǵa jyljýy ekitalaı. Sondyqtan eldiń damýy úshin demokratııaǵa da nazar salýymyz kerek. Ekonomıkanyń damý qarqyny qanshalyqty mańyzdy ekeni aıtpasaq ta belgili. Shyny kerek, biz, ásirese, qazirgi pandemııa kezinde ishki jalpy ónimniń óspeı, kerisinshe tómendegenin kórdik. Osy jerde bılik demokratııanyń mańyzyn túsindi. Bul - birinshi naqty qadam. Ári qaraı saılanǵan ákim de demokratııa úrdisin jalǵastyrady dep senemin.
Prezıdent Qasym-Jomart Toqaev saıası reformanyń mańyzyn túsinip, osyndaı demokratııalyq ózgeris engizýdi uıǵardy. Keshegi ótken aýyl ákimi saılaýynyń tehnıkalyq turǵydan qalaı ótkeni týraly aıta almaımyn. Degenmen, eń mańyzdysy - júıeli demokratııalyq ózgeris bolsa, eńbek ónimdiliginiń joǵarylaýyn da, quqyqtyq memlekettiń ornaýyn da jedeldetedi.
Ekonomıkany aldaı almaısyń. Ekonomıka tek durys júıe bolǵan jerde ǵana ilgerileıdi. Ol tek shynaıy jaǵdaıdy ǵana qabyldaıdy, óziniń talaptary bar. Sondyqtan keshendi qadam keregin túsiný abzal. Prezıdent osy keshendi qadamdarǵa kóshti. Bılikke de nátıje kerek. О́ıtkeni el basshylyǵyna da ekonomıkanyń óskeni, eńbek ónimdiliginiń artqany qajet.
Álimbaı ǴALI,
defograf, saıasatanýshy
