Osyǵan oraı, «Partııalyq emes baıqaý ortalyǵy» respýblıkalyq qoǵamdyq birlestiginiń oblystyq fılıalynyń ókilderi 25 shildede ótken saıası is-sharaǵa tuńǵysh ret baıqaýshy bolyp, erekshe ynta-yqylaspen qatysty. Aýyl ákimderin tikeleı saılaıtyn, qoǵamdy demokratııalandyrýǵa bastaıtyn bul saılaýdyń mańyzy úlken ekendigin eskere otyryp, biz saılaý bastalardan bir aı buryn jan-jaqty daıyndyq jumysyn bastadyq. Saılaýǵa qatysatyn baıqaýshylardy arnaıy kýrstan ótkizip, zań talaptaryn túsindirdik. Bul semınarlarǵa burynǵy tájirıbeli baıqaýshylar da qatysyp, óz oılarymen bólisti. Sonymen qatar baıqaýshy kodeksi ázirlendi, onda baıqaýdyń negizgi qaǵıdattary qamtyldy: ashyq pikir bildirý, ıaǵnı kandıdattardyń nemese saıası partııanyń eshqaısysyna artyqshylyq bermeý, barlyq zań buzýshylyqtardy tııanaqtaý, bul rette saılaý komıssııasyna jáne saılaý prosesiniń basqa da qatysýshylaryna kedergi jasamaý eskertildi.
Aldyn ala 278 stasıonarlyq baıqaýshy men 100 mobıldi baıqaýshyny daıarladyq. Olarǵa «Baıqaýshy kodeksiniń» qaǵıdattary túsindirildi. Sóıtip, baıqaýshylar oblystyń ár aımaǵyndaǵy 79 saılaý bólimshesinde óz jumysyn adal atqardy.
Aıta keteıik, biz bul saıası naýqanǵa táýelsiz baqylaýshy retinde qatysqan oblystyq Azamattyq alıans zańdy tulǵalar qaýymdastyǵy múshelerimen birge atsalystyq. Olar da ákimder saılaýynyń zańdylyǵyn baqylaý úshin 158 eriktige joldama berip, oqý-ádistemelik materıaldarmen qamtamasyz etken bolatyn.
Saılaý barlyq aýylda belsendi júrdi. Ár turǵyn óz kandıdatýrasy úshin daýys berýge múmkindik aldy. Saılaýshylardyń 81,3 paıyzy daýys berý quqyǵyn paıdalandy, bul – joǵary kórsetkish. Saılaý zań buzýshylyqtary baıqalǵan joq, ashyq, shynaıy, demokratııaly túrde ótti. Aýyl bolashaǵy – eldiń bolashaǵy. Sondyqtan biz basynan sońyna deıin bul naýqandy jiti baqyladyq. Eń sońǵy sanaý jumysyna da belsene qatystyq. Bári ádil ótti. О́ńirdegi, alys aýyldardaǵy árbir baıqaýshymyzben aqparat alysyp, jumys istedik.
Saılaý ádil jáne básekeli kúreste ótti jáne jergilikti halyqtyń úlken qyzyǵýshylyǵyn týdyrdy. Elimiz demokratııalyq damý jolymen alǵa taǵy bir nyq qadam jasaǵany anyq.
Muhtar DÁÝLETJANOV,
«Partııalyq emes baıqaý ortalyǵy» respýblıkalyq qoǵamdyq birlestigi oblystyq fılıalynyń tóraǵasy
Batys Qazaqstan oblysy
