Sharýaqor kásiporyndar

Ýaqytsha belsendiligin joǵalt­qan óndirýshiler de joq emes. Olar­dyń qatary 12 aıda 19 paıyzǵa bir-aq artqan. 2021 jyldyń shilde aıyndaǵy derek boıynsha elde 341,9 myń kásiporyn bar. Iri-usa­ǵyn qosa eseptegende. Bul 2020 jyldyń shildesimen salystyrǵanda 6,4 paıyzǵa joǵary kórsetkish. Ranking portalynyń deregine súıe­ner bolsaq, osy ýaqyt ishinde ýa­qytsha jumys istemeı qalǵan ká­siporyndardyń sany 18,8 paıyz, ıaǵnı 120,7 myńǵa deıin kóbeıgen. Jańa kompanııa­lar byl­tyr­ǵy­dan 2,7 paıyzǵa (50,1 myń) kóp bolsa, bel­sendi kompanııalar sany nebári 0,04 paıyzǵa ósken.

«Ýaqytsha belsendiliginen aıy­ryl­ǵan kompanııalardyń basym bó­ligi Almaty oblysyna tıesili. О́ńirdegi ondaı kásiporyndar sany 54 paıyzǵa artqan. Problemalyq kompanııalar sondaı-aq Nur-Sul­tan men Shymkent qalasynda da­ jıi kezdesedi. Al belsendi kásip­oryndar sany boıynsha aldyńǵy orynda Shymkent qalasy tur: 7 paıyzǵa artyp, 7,4 myńǵa jet­ken. Úzdik úshtikke Shyǵys Qa­zaq­stan jáne Pavlodar oblystary da kiredi. Birinshi toqsannyń qo­rytyndysy boıynsha shaǵyn bız­nes segmentindegi óndirilgen ónim, atqarylǵan jumys jáne kór­setilgen qyzmet kólemi 5,3 trln teńgeni qurady. Bul 2020-men sa­lystyrǵanda 22,9 pa­ıyzǵa joǵary», dep jazady Ranking sa­rap­shylary.

Ekonomıkalyq ónim men qyzmet kólemi turǵysynan salalar arasynda saýda, avtojóndeý, qurylys jáne óńdeýshi ónerkásiptiń bási bıik. Kósh sońynda júrgeni – sýmen jabdyqtaý. Shaǵyn kásiporyndar ón­dirgen ónim men kórsetken qyz­metten túsken tabys 9,9 trln teńge bolypty. Bul sıfr da byltyrǵy sıfrdan 19,7 paıyzǵa kóp. Ásirese tabystyń basym bóligi kásibı, ǵylymı jáne tehnıkalyq salalarda jáne saýda, avtojóndeý, qurylys sektorlarynda.

Bıyl kásiporyndardyń shyǵyny 10,6 paıyzǵa qysqarǵan. Shyǵyn da taǵy sol saýda men avtojóndeýdi, qu­ry­lys pen óńdeýshi ónerkásipti mańaı­laı­dy. Orta jáne iri kompanııalar seg­mentinde birinshi toq­san­da 8,6 trln teń­gege ónimder saýda­lanyp, qyzmetter usynylǵan. Osynshama kiristiń kóp bó­li­gine taý-ken óndirisi jáne karer qazý, óń­deýshi ónerkásip, transport pen saq­taý salasy kóbirek úlesin qosqan.

«Orta jáne iri kásiporyndardyń qyzmeti men taýarynan túsken tabys 12,5 trln teńgeni quraıdy. Bul byltyrmen salystyrǵanda 13,4 paıyzǵa kóp. Al kásiporyndardyń shyǵyny 9,1 trln teńgege jetken. 2020-men sa­lys­tyr­ǵanda 17 paıyzǵa az», delingen joba zertteýinde.