«Elimizde 90 myńǵa jýyq adam aýyryp jatyr, olardyń 25 myńǵa jýyǵy stasıonarlarda, 65 myńǵa jýyǵy ambýlatorııalyq em alýda. Shilde aıynyń basyndaǵy jaǵdaımen salystyrǵanda aýyr naýqastar sany 2,1 ese ósti, shamamen 1000 naýqas О́JJ apparattaryna qosyldy. Sonymen qatar, birqatar óńirlerde ınfeksııalyq jáne reanımasııalyq tósek-oryndar tapshylyǵy oryn alýy múmkin. Nur-Sultan, Shymkent qalalary jáne Aqtóbe, Aqmola Qyzylorda oblystary táýekel aımaqta. Birqatar óńirlerdiń densaýlyq saqtaý júıesine túsken júkteme joǵary», dedi A.Soı.
Resmı derekterge sáıkes, QR boıynsha jalpy syrqattanýshylyq pen ólim-jitimniń 65%-y Nur-Sultan, Almaty, Shymkent, Atyraý, Qaraǵandy qalalaryna tıesili. Osyǵan baılanysty, 27 shildede vedomstvoaralyq komıssııanyń sheshimimen atalǵan óńirlerde 2 tamyzdan bastap kúshine enetin qosymsha shekteý sharalary bekitildi.
