Senatormen kezdesýde Muqyr aýylynyń turǵyndary mádenıet úıi men sport kesheniniń qurylysyna qatysty máselelerdi kóterdi. Bul qurylystardyń biri bastalmaı, ekinshisi aıaqtalmaı tur. Muqyr – Qulsary avtomobıl jolynyń jaǵdaıy da turǵyndardy alańdatyp otyr. Senator bul másele týraly habardar ekenin jáne budan buryn ol týraly elimizdiń Premer-Mınıstriniń atyna depýtattyq saýal joldaǵanyn aıtty.
«Meniń depýtattyq saýalyma Muqyr – Qulsary avtomobıl joly Maqat – Qandyǵash jolynyń qurylysynan únemdelgen qarajat esebinen salynady degen jaýap keldi. Bul joldyń qurylysy 2025 jylǵa deıingi avtomobıl joldarynyń keshendi josparynda jeke tarmaqpen belgilengen», dedi Ǵumar Dúısembaev.
Senator sondaı-aq shaǵyn aýyldardy aralap, turǵyndarmen kezdesip, eldi mekenderdiń problemalarymen tanysty.
«Osy sapar barysynda men Kenbaı, Qońyraýly, Tasqudyq, Sorkól, Saryqumaq jáne Bylqyldaqty aýyldaryna barýdy josparlaǵan edim. Olardyń kúrdeli máselelerin sheshýge kómektesý mańyzdy dep sanaımyn. Buryn fermerlik ortalyqtar bolǵan Qyzylqoǵa aýdanynyń osy alty aýylyna gaz qubyryn tartý jumystaryn bastaý úshin jaqynda 300 mıllıon teńge bólindi. Qazirgi ýaqytta tender jarııalanyp, alǵashqy jobalyq jumystar bastalady», dedi Ǵumar Dúısembaev.
Senator sondaı-aq elektr qýatyn óshirý problemasyn «Atyraý-Jaryq» basshylyǵymen pysyqtaý qajettigin, al gaz qubyryn tartý jumystary aıaqtalǵanǵa deıin aýyl turǵyndaryn kómirmen ýaqytynda qamtamasyz etý qajet ekenin atap aıtty.
Tasqudyq aýylynyń turǵyndary taza aýyzsýmen qamtamasyz etý máselesin aıty. О́ıtkeni aýyz sýy bar qudyq jeke sharýa qojalyǵynyń jerinde qalǵan eken. Senator bul máselege nazar aýdaryp, ákimdik ókilderine máseleni sheshý qajettigin aıtty. Olar aýyzsý máselesi jaqyn arada sheshiletin bolady, al malǵa arnalǵan sý «QazTransOıl»kompanııasynyń jergilikti fılıalynyń qoldaýymen qamtamasyz etiledi dep jaýap berdi.
Ǵumar Dúısembaev Atyraý oblysyndaǵy shaǵyn aýyldardyń ótkir máseleleri únemi óz nazarynda ekenin aıtyp, olardy sheshý jónindegi jumystardy jalǵastyrýǵa ýáde etti.
Senatorlar Baqytjan Jumaǵulov pen Lázzat Súleımen Almaty oblysynyń Aqsý aýdanyndaǵy Qapal aýylyna barǵan saparlary barysynda birqatar áleýmettik nysandy aralap, halyqpen kezdesti.
Depýtattar 1984 jyly salynǵan emhananyń jumysymen de tanysty. Dárigerler ujymymen kezdesýde aýylda akýsher-gınekolog pen hırýrg mamandar jetispeıtindigi jáne «Jedel járdem» kólikteriniń eskirgendigi aıtyldy. Senatorlar bul máselelerdiń sheshimi tabylatynyn jáne oblys basshylyǵymen birlesip, «Jedel járdem» kólikterin jańalaýdy qolǵa alatyndaryn atap ótti.
Depýtattar aýyldaǵy ataqty Tamshybulaqty kóriktendirý josparymen, tarıhı jádiger – Shaıahmet baı úıine júrgizilgen restavrasııalyq jumystarmen tanysty. Osy úıde Qapaldyń ólketaný mýzeıin uıymdastyrý jospary týraly aıtyldy. Senatorlar oǵan qoldaý kórsetiletinin atap ótti.
«Qapal – qundy tarıhı jádigerler kóp saqtalǵan jer. Sondyqtan bul mekende bolashaqta týrızmdi damytýǵa, ony tól tarıhymyzdy tanytatyn eldi mekenderdiń birine aınaldyrýǵa kúsh salýymyz qajet», dedi Baqytjan Jumaǵulov.
Depýtattar Ǵalı Ormanov atyndaǵy mektep oqýshylardyń jazǵy lagerine bardy. Onda Baqytjan Jumaǵulov bilim salasyna qatysty qabyldanǵan zańdar týraly, memleket tarapynan ustazdar men oqýshylarǵa jasalyp jatqan jaǵdaılar týraly aıtty.
Sapar barysynda senatorlar halyqpen kezdesip, olardyń máselelerin tyńdady. Atalǵan kezdesýde Qapal aýylyndaǵy jer qatynastaryn retteý, jaıylymmen qamtamasyz etý, veterınarlyq pýnkt ashý, aýyldy abattandyrý jáne joldardy jóndeý máseleleri kóterildi. Bul máselelerdiń barlyǵy senatorlarlardyń baqylaýyna alyndy.
Májilis depýtaty, «Aq jol» partııasynyń múshesi Aıgúl Jumabaeva Qaraǵandy oblystyq jáne qalalyq máslıhattar depýtattarymen birge qaladaǵy jáne eldi mekenderdegi qurylys nysandaryn aralady, dep habarlady tómengi Palatanyń baspasóz qyzmeti.
Sapar barysynda qurylysshylar depýtattarǵa qurylys materıaldarynyń kúrt qymbattaýyna baılanysty problemalardy aıtyp, shyǵynǵa ushyraǵandary jaıly baıandady. Kásipkerlerdiń aıtýynsha, olar úlken shyǵynǵa ushyrasa da, jumys isteýge májbúr.
Atap aıtqanda, Saran qalasynda «Aspap» óndiristik kooperatıvi sport zalynyń qurylysyn aıaqtaı almaı otyr. Sonymen qatar aqjoldyq depýtattar Saran jáne Abaı qalalaryndaǵy qurylysy aıaqtalmaǵan turǵyn úı keshenderine de bardy. Olardaǵy jaǵdaı da qurylys zattarynyń kúrt ósýimen baılanysty.
Issapar barysynda depýtattar Shahtınsk qalasyndaǵy avtovokzaldy qaıta jóndeý jumystarymen tanysty.
Kezdesý qorytyndysynda depýtattar týyndap otyrǵan problemalardy sheshýge kúsh salatyndaryn aıtty.
Aıta ketý kerek, buǵan deıin Májilis depýtattary ózderiniń depýtattyq saýaldary arqyly Úkimetke qurylys materıaldary naryǵynda tártip ornatýdy suraǵan bolatyn.
