1975-2019 jyldar aralyǵynda aıtýly jarystyń jalaýy 20 márte jelbiredi. Sol básekelerdiń toǵyzy japon jigitteriniń jarqyn jeńisimen aıaqtaldy. Ońtústik Koreıanyń oǵylandary tórt márte teńdessiz dep tanylsa, Qytaı men Irannyń ókilderi úsh retten bas júldeni oljalady. Taǵy bir altyn medaldi Aýstralııanyń órenderi moıyndaryna ildi.
Qazaqstan quramasy eki ret fınalǵa deıin jetti. Alǵash ret jerlesterimiz 1993 jyly Taılandtyń Nakhonratchasıma qalasynda jasyndaı jarqyrady. Quramynda Baqytjan Baıtóreevteı serke oıynshysy bar bizdiń komanda aqtyq synda koreılerge ese jiberdi. 2017 jyly Indonezııanyń Gresık qalasynda dál sondaı nátıjege qol jetkizdik. Bul joly Japonııanyń voleıbolshylaryna álimiz jetpedi.
Bıylǵy chempıonatta Qazaqstannyń boıshań jigitteri D tobynda oınaıdy. Toptyq týrnırdegi qarsylastarymyz – Ońtústik Koreıa, Taıpeı jáne Saýd Arabııasy quramasy.
