Naqtyraq aıtqanda, ımportqa fıtosanıtarlyq baqylaý júrgizgen ınspektorlar ósimdikter karantıni salasynda 1 723 buzýshylyqty anyqtaǵan. Buǵan qosa 1 406 jeke jáne zańdy tulǵalar ákimshilik jaýapkershilikke tartylyp, olarǵa 92 401 241,0 teńge kóleminde aıyppul salyndy.
Ázerbaıjannan jetkizilgen qyzanaq jemisterine karantındik fıtosanıtarlyq baqylaý júrgizý kezinde 17-sinde Tomato brown rugose cfruit virus (ToBRFV) vırýsy anyqtaldy. Osyǵan baılanysty komıtet tarapynan Ázerbaıjan aýmaǵynan qyzanaq jemisterin ákelýge shekteý túrinde ýaqytsha karantındik fıtosanıtarlyq shara engizildi. «Zańnamalardy basshylyqqa ala otyryp jáne Ázerbaıjan Respýblıkasynyń Azyq-túlik qaýipsizdigi jónindegi agenttiginen kelip túsken karantınge jatqyzylǵan ónimdi Qazaqstan aýmaǵyna ákelý týraly qabyldanǵan aqparaty nazarǵa alynyp, 2021 jyldyń 21 qańtarynan osy shekteý alynyp tastaldy. Sondaı-aq jyl basynan beri Túrikmenstannyń ósimdikter karantıni jónindegi memlekettik qyzmetiniń fıtosanıtarlyq sertıfıkattarynyń súıemeldeýimen Qazaqstanǵa jetkiziletin qyzanaqtarǵa karantındik fıtosanıtarlyq baqylaý júrgizý kezinde «qońyr ájim» vırýsynyń (Tomato brown rugose fruit virus (ToBRFV) 19 deregi anyqtalǵan, delingen baspasóz habarlamasynda.
«Egemen-aqparat»
