Oblystyq polısııa departamenti baspasóz qyzmetiniń aqparatyna qaraǵanda, 28 shildede tańǵy saǵat 6:00 shamasynda ózin órteýge oqtalǵan 32 jastaǵy jigit mas kúıde bolǵan. Ol Atyraý qalalyq prokýratýrasynyń ǵımaratyna kelgen.
«Masań kúıdegi jigit qolyna benzın quıylǵan bótelke ustap, ózin órtep jiberemin dep qorqytqan. Patrýldik polısııa qyzmetkerleri 1989 jyly týǵan azamatty Atyraý qalalyq polısııa basqarmasyna jetkizdi. Qazir ustalǵan azamatqa qatysty QR Qylmystyq Kodeksiniń 105-babynyń 1-bóligimen sotqa deıingi tergeý bastaldy. Sondaı-aq, QR Ákimshilik quqyqbuzýshylyq týraly Kodeksiniń 434 jáne 667-babymen ákimshilik hattamalar toltyryldy», dep habarlady departamenttiń baspasóz qyzmeti.
